ياغـــزال الريـــم...

يبتلكم قصيده واااااايد حلوه من كلمات (( حمد بن فطيس المري ))

ياغـزال الريـم قايـدة الادامـي
تشبهين ال صاحبي لـولا جديلـه
يوم هجّيتي وشفتك في العسامـي
اللتفتّـي عنـد مطـلاع المسيلـه
لو دنيتي والله ان القصـد سامـي
انتهى عصـر المقمّـع والفتيلـه
ما كسبتي كـون ودي واحترامـي
ولا كسبت الانظر سـودا كحيلـه
هو يزيد امن اول النظره غرامي؟
اوبلاي..انتي كـذا فعـلاً جميلـه
يوم انا سلمّت طنشتـي سلامـي
او ثقل سمعك .. وخطواتك ثقيلـه
المقام اللـي ينّـزل مـن مقامـي
فيه غيري من يجيه.. ومن يجيله
والمقام اللي يرودونـه احشامـي
مقعدٍ راسـي شـذا بنّـه وهيلـه
غير خوف الله ما ثـار اهتمامـي
الرسن بيدي وفي راس الكحيلـه
ما تعامـل بالحـرام الا حرامـي
ولا يضّحـك بالهـروج الا خبيلـه
ومسّي البومه .. مع الحر القطامي
فاقـد الغايـه ومعـدوم الوسيلـه
ماتجمّعهـا الطبـاع ولا الأسامـي
الخرابه غير عـن راس الطويلـه
والمصيبه يحسب انه خوش رامي
مادرى انه كل حذفه فـي شليلـه
ومن يوهّقه السراب الى المضامي
لايلوم الناس فـي نثـره صميلـه
لو يجّد اليـوم ماسـواه ..عامـي
الجبـل مافيـه لام اقريـن حيلـه
ماتشابه بصمة الوسطى ابهامـي
والطيور انواع كـل ٍ لـه فصيلـه
مايوصّـل شرهتـي والا ملامـي
من لعب بأم القنابـل لعـب تيلـه
ودامها جت لي على غاية مرامـي
يقعد الفاشل علـى كبـد الفشيلـه
ما اللتفت ال عم ماهو من عمامي
ولا اعترضت العابر اللي في سبيله
الثعل قـد قـال باثبّـت كلامـي!!
وانشدوه امن الشهود وهـز ذيلـه

|--*¨®¨*--|جرح الامارات |--*¨®¨*--|

وان شاء الله تعيبكم القصيده

حمد بن فطيس المري ... فديته والله .. والله انه شااعر ولا أرووووع ...صح لساانه وصح لساانك أوووووي.....الله يعطيك ألف عاافيه